Jóhanna Þ. Guðmundsdóttir

Jóhanna Þ. Guðmundsdóttir (f. 1968) er sagnfræðingur (MA) frá Háskóla Íslands  og verkefnastjóri heimildaútgáfu hjá Þjóðskjalasafni Íslands. MA-ritgerð Jóhönnu fjallaði um viðreisn garðræktar á Íslandi á seinni hluta 18. aldar og hafa rannsóknir hennar einkum beinst að því tímabili. Hún er, ásamt Hrefnu Róbertsdóttur, ritstjóri ritraðarinnar Landsnefndin fyrri 1770-1771.

Bækur eftir höfund

Jón Karl Helgason

Jón Karl Helgason (f. 1965) er prófessor í íslensku við Háskóla Íslands. Hann er með doktorspróf í samanburðarbókmenntum frá Massachusetts-háskóla og hafa helstu viðfangsefni á undanförnum árum verið endurritanir íslenskra fornrita, menningarlegir þjóðardýrlingar Evrópu, íslenskar sögusagnir og einsögur byggðar á persónulegum heimildum.

Bækur eftir höfund

Jón Þ. Þór

Jón Þ. Þór (f. 1944) er í hópi afkastamestu sagnfræðinga á Íslandi og er prófessor emeritus við Háskólann á Akureyri. Hann er með doktorspróf í sagnfræði frá Gautaborgarháskóla og fjallaði doktorsritgerð hans um breska togara á Íslandsmiðum á árunum 1919-1976. 

Bækur eftir höfund

Kristín Svava Tómasdóttir

Kristín Svava Tómasdóttir (f. 1985) er sagnfræðingur (MA) frá Háskóla Íslands. Hún hefur sent frá sér þrjár ljóðabækur og eina fræðibók, Stund klámsins, sem kom út hjá Sögufélagi 2018 og hlaut Viðurkenningu Hagþenkis það árið.

Kristín Svava er jafnframt einn tveggja ritstjóra Sögu – tímarits Sögufélags.

Bækur eftir höfund

Már Jónsson

Már Jónsson er fæddur árið 1959. Hann útskrifaðist með BA-gráðu í sagnfræði frá Háskóla Íslands árið 1980 og lauk cand.mag.-prófi haustið 1985. Jafnframt stundaði hann nám í Björgvin og París. Hann lauk doktorsprófi í sagnfræði frá Háskóla Íslands árið 1993. Næstu árin var hann við rannsóknir í Bandaríkjunum og Danmörku en var ráðinn lektor í sagnfræði árið 1998. Rannsóknir Más hafa beinst að sögu Íslands frá 13. öld til seinni hluta 19. aldar.

Már sat í stjórn Sögufélags 1988-1989 og 2002-2008, og var einn ritstjóra Sögu árin 1997-1998.  

 

Bækur eftir höfund

Óðinn Melsted

Óðinn Melsted (f. 1989) er sagnfræðingur (MA) frá Háskóla Íslands og stundar nú doktorsnám í orkusögu við Innsbruck-háskóla. Bókin Með nótur í farteskinu kom út í smáritaröð Sögufélags árið 2015, en hún er byggða MA-ritgerð Óðins sem fjallaði um erlenda tónlistarmenn á Íslandi á árunum 1930-1960.

Bækur eftir höfund

Páll Björnsson

Páll Björnsson (f. 1961) er prófessor í nútímafræði og sagnfræði við Háskólann á Akureyri. Hann er með doktorspróf frá Rochesterháskóla í Bandaríkjunum og hafa rannsóknir hans verið á sviði nútímasögu. Árið 2011 gaf Sögufélag út bókina Jón forseti allur? eftir Pál sem fjallar um það hvernig landsmenn hafa nýtt sér minningu Jóns Sigurðssonar frá andláti hans árið 1879. Bókin hlaut Íslensku bókmenntaverðlaunin í flokki fræðirita og rita almenns efnis fyrir árið 2011. Páll var ritstjóri Sögu árin 2003-2008.

 

Bækur eftir höfund

Patricia Pires Boulhosa

Patricia Pires Boulhosa (f. 1965) er með doktorspróf í miðaldasagnfræði frá Cambridge-háskóla (f. 2003). Doktorsritgerð hennar fjallaði um Gamla sáttmála. Þar hélt hún því fram að sáttmálinn væri tilbúningur frá 15. öld og að samantekt hans hafi verið liður í baráttu íslenskra höfðingja við Noregskonung vegna ágreinings um verslun. Stytt útgáfa doktosritgerðarinnar kom út í smáritaröð Sögufélags árið 2006.

Bækur eftir höfund