Skip to content

Íslandssaga til okkar daga

Uppseld

Hér birtist öll Íslandssagan, frá því að land byggðist og fram á níunda áratug 20. aldar, á einni bók. Þetta er fyrsta rækilega útgáfan af sögu Íslands í einu bindi og fyrsta yfirlitsverkið um sögu Íslands sem nær til þess tíma er hún kemur út.

Í bókinni er fjallað um

  • upphaf Íslandsbyggðar og mótun þjóðfélags, goðaveldi og endalok þess
  • sögu ríkisvalds, atvinnuvega, verslunar, kirkju og menningar
  • Ísland í veldi Noregskonungs, síðar Danakonungs, siðaskipti, einokun og einveldi
  • þjóðernisvakningu, sjálfstæðisbaráttu og stjórnmálastarf
  • heimastjórn, fullveldi og lýðveldi
  • Ísland í tveimur heimsstyrjöldum, heimskreppu og köldu stríði
  • stjórnmál lýðveldisins, átök um hersetu og sigra í landhelgisdeilum

Myndirnar eru á þriðja hundrað talsins, bæði í svarthvítu og lit, en auk þess eru fjölmargar aðgengilegar skýringarmyndir og töflur. Þá fylgja bókinni ítarlegar skrár um úrslit kosninga, ríkisstjórnir, forseta og ýmsa embættismenn, sem gefa henni ótvírætt handbókargildi. Einnig eru í bókinni vandaðar rita-, nafna- og atriðisorðaskrár.

Höfundar bókarinnar eru Björn Þorsteinsson prófessor, en eftir hann liggja fjölmargar bækur, sem teljast í röð læsilegustu rita um sögu landsins, og Bergsteinn Jónsson prófessor, sem einnig er þekktur fyrir rit sín um sögu og einstaklinga.

Að bókinni hafa sagnfræðingar unnið með það í huga að gera hana aðgengilega og ómissandi öllum áhugamönnum um sögu lands og lýðs.

Íslandssaga til okkar daga hefur lengi verið uppseld hjá útgefanda en er aðgengileg öllum á bækur.is.

“Í fyrsta skipti sem saga Íslands kemur út á einni bók”Morgunblaðið

“Metnaðarfull og glæsileg bók”, ritdómur eftir Pétur Má Ólafsson

“Íslenska þjóðin eignast sína sögu í fyrsta skipti á einni bók”Þjóðviljinn

“Íslandssaga til okkar daga”Þjóðviljinn