Björn Bjarnason fór fögrum orðum um Fulltrúa þess besta í bandarískri menningu eftir Hauk Ingvarsson í Morgunblaðinu. Hann sagði meðal annars:
„Að finna þráð til að kynna nýja söguskoðun á trúverðugan hátt, er vandasamt. Að gera það með svo sterkum rökum að ekki sé unnt að hafa nýju kenninguna að engu, krefst mikilla rannsókna, þekkingar og hæfileika til að breyta viðteknum sjónarmiðum án þess að rústa því sem fyrir er. Þetta tekst Hauki Ingvarssyni í bókinni Fulltrúi þess besta í bandarískri menningu. […] Haukur Ingvarsson beinir umræðum um bókmenntasöguna og menningarátök 20. aldarinnar inn á nýja braut með tímamótaverki sínu.“
Sölvi Sveinsson fjallaði um Ættarnöfn á Ísandi og sagði bókina ánægjulegan lestur. Hann sagði líka meðal annars:
„Þetta er stórmerkilegt rit sem áhugamenn um hefðir og nafnsiði þurfa að lesa og er jafnframt heimild um pólitíska orðræðu í þessu landi. Lengi hafa staðið deilur um ættarnöfn á Íslandi og standa enn.“
Sölvi Sveinsson fjallaði líka um Galdur og guðlast á 17. öld og kallaði það „öndvegisrit“. Hann sagði einnig:
„Þetta merkilega rit opnar glugga að skelfilegu skeiði í sögu þjóðar þar sem lífið var lítils metið og réttarfar með þeim hætti að viðhorf valdsmanna og hentisemi á hverjum stað réðu miklu um framkvæmd lagaboða.“
Gunnarshúsi
Dyngjuvegi 8
104 Reykjavík
kt: 640269-5029
