Höfundur
Gunnar Benediktsson
0kr.
Í riti þessu er greint frá viðburðaríkum og ævintýralegum lífsferli sr. Odds V. Gíslasonar frá Rósuhúsi í Grjótaþorpi (1836-1911), sem lengi var prestur að Stað í Grindavík. Hann varð landsfrægur fyrir forgöngu sína í slysavarnarmálum sjómanna, flutti fyrirlestra stofnaði bjargráðanefndir og gaf út blað og bæklinga í þessu skyni. Sjálfur stundaði hann sjómennsku með prestsskap og var formaður á bát sínum.
Sr. Oddu varð þjóðsagnapersóna í landinu, þegar sú fregn barst út, að hann hefði “rænt” brúð sinni frá Kirkjuvogi í Höfnum. Nær sextugu fluttist sr. Oddur vestur um haf og stundaði þar prestsskap. Hann lenti í harðri andstöðu við vestur-íslensk yfirvöld, er hann tók að stunda svonefndar “huglækningar”. Oddur lauk læknaprófi þar vestra og varð félagi í læknafélagi í Bandaríkjunum. Ritið er prýtt fjölda mynda sem varða æviferil sr. Odds.
Hægt er að skrá sig í áskrift á öllum tíu bindunum sem væntanleg eru á næstu árum. Áskrifendur fá 30% afslátt á bókunum, kröfu í heimabanka og bækurnar sendar heim strax við útkomu þeirra.