Skip to content
Höfundur
Páll Björnsson
Útgefandi
Sögufélag
Útgáfuár
Unavailable
ISBN
Unavailable
Blaðsíðufjöldi
322
Ritstjóri
Unavailable
Myndaritstjórar
Unavailable
Tegund
19.-21. öld, Menningarsaga, Stjórnmálasaga

Jón forseti allur? Táknmyndir þjóðhetju frá andláti til samtíðar

Páll Björnsson

Með forystu sinni í sjálfstæðisbaráttu Íslendinga á 19. öld varð Jón Sigurðsson að þjóðhetju. Allt frá því að hann lést árið 1879 hafa landsmenn nýtt sér minningu hans með fjölbreyttum hætti uns Jón forseti varð sannkallað sameiningartákn Íslendinga á 20. öld. Honum hefur verið líkt við sjálfa sólina og hann kallaður ókrýndur konungur landsins, besti sonur þjóðarinnar, faðir nútímans á Íslandi og frelsari manna.

Hér tekst Páll Björnsson sagnfræðingur á við framhaldslíf Jóns Sigurðssonar og hans stöðu sögulegu minni Íslendinga. Hann lýstir því á nýstárlegan hátt hvernig minningarnar um Jón Sigurðsson hafa gengið í endurnýjun lífdaga með hátíðahöldum, sögusýningum, pílagrímastöðum, minnismerkjum, kveðskap, bókaútgáfu, minjagripum og myndverkum. Sjálfur fæðingardagur Jóns varð að nýrri Jónsmessu eftir harðar deilur, enda hefur Jón iðulega verið dreginn inn í ágreiningsmál, meðal annars á sviði utanríkismála.

Jón Sigurðsson birtist hér í nýju ljósi. Táknmynd hans er samofin íslenskum veruleika og þótt fjöldinn allur viti ekki lengur í hverju framlag hans fólst í lifanda lífi, þá lifir ímynd hans enn sem eitt mikilvægasta sameiningartákn þjóðarinnar.

3.900kr.

Með forystu sinni í sjálfstæðisbaráttu Íslendinga á 19. öld varð Jón Sigurðsson að þjóðhetju. Allt frá því að hann lést árið 1879 hafa landsmenn nýtt sér minningu hans með fjölbreyttum hætti uns Jón forseti varð sannkallað sameiningartákn Íslendinga á 20. öld. Honum hefur verið líkt við sjálfa sólina og hann kallaður ókrýndur konungur landsins, besti sonur þjóðarinnar, faðir nútímans á Íslandi og frelsari manna.

Hér tekst Páll Björnsson sagnfræðingur á við framhaldslíf Jóns Sigurðssonar og hans stöðu sögulegu minni Íslendinga. Hann lýstir því á nýstárlegan hátt hvernig minningarnar um Jón Sigurðsson hafa gengið í endurnýjun lífdaga með hátíðahöldum, sögusýningum, pílagrímastöðum, minnismerkjum, kveðskap, bókaútgáfu, minjagripum og myndverkum. Sjálfur fæðingardagur Jóns varð að nýrri Jónsmessu eftir harðar deilur, enda hefur Jón iðulega verið dreginn inn í ágreiningsmál, meðal annars á sviði utanríkismála.

Jón Sigurðsson birtist hér í nýju ljósi. Táknmynd hans er samofin íslenskum veruleika og þótt fjöldinn allur viti ekki lengur í hverju framlag hans fólst í lifanda lífi, þá lifir ímynd hans enn sem eitt mikilvægasta sameiningartákn þjóðarinnar.