Skip to content
Höfundur

Kristín Jónsdóttir

Útgefandi

Sögufélag

Blaðsíðufjöldi

294

Útgáfuár

2007

ISBN

9979973935

Tegund

19.-21. öld, Kvenna- og kynjasaga, Smárit, Stjórnmálasaga

Hlustaðu á þína innri rödd: Kvennaframboð í Reykjavík og Kvennalisti 1982-1987

Kristín Jónsdóttir

3.900kr.

Sérframboð kvenna í upphafi níunda áratugar síðustu aldar mörkuðu tímamót í íslenskri stjórnmálasögu. Þau voru afsprengi samfélagslegra breytinga og óánægju fjölda kvenna sem taldi hin hefðbundnu stjórnmálaöfl hvorki hlusta á konur né vinna að hagsmunum þeirra eða samfélagslegum umbótum.

Í bókinni er fjallað um tilurð Kvennaframboðs í Reykjavík árið 1982 og Kvennalista 1983. Höfundurinn, Kristín Jónsdóttir, skoðar samfélagslegan og fræðilegan bakgrunn framboðanna, ræðir hugmyndafræði og stjórnmálastarf þeirra, viðbrögð við þeim og innri átökk. Þótt rannsókn Kristínar nái fyrst og fremst til ársins 1987, þegar Kvennalistinn stóð á hátindi ferils síns, ræðir hún í eftirmála þann hugmyndafræðilega ágreining sem kom upp undir lok níunda áratugarins og leiddi að lokum til þess að Kvennalistinn hætti stjórnmálastarfi.

Kristín Jónsdóttir lauk meistaraprófi í sagnfræði við Háskóla Íslands og byggist bókin á lokaritgerð hennar. Kristín var sjálf þáttakandi í kvennaframboðunum. Sýn hennar á viðfangsefnið er því í senn persónuleg og fræðileg.

Grein um fyrirlestur Kristínar Jónsdóttur í Morgunblaðinu

Ritdómur Þorgerðar Einarsdóttur í Stjórnmálum og stjórnsýslu 

Umfjöllun á Bókablogginu

Viðtal við Kristínu Jónsdóttur í DV