Á horni Þingholtsstrætis og Spítalastígs stendur hús sem á sér viðburðaríka sögu. Það var byggt árið 1884 sem fyrsta sjúkrahús Reykvíkinga. Síðar var það gert að farsóttaspítala og geðsjúkrahúsi og seinast að gistiskýli fyrir heimilislausa.
Farsótt. Hundrað ár í Þingholtsstræti 25 er saga um heilbrigði og sjúkdóma, sem sumir þóttu ógnvænlegri eða skammarlegri en aðrir. Þetta er saga af lækningum og tilraunum til að vernda samfélagið gegn smiti og sóttum. Þetta er saga borgar og saga velferðarkerfis en ekki síst saga af fólki: Sjúklingum og hjúkrunarkonum, læknum og ljósmæðrum, hómópötum, þurfamönnum, vinnukonum, verkamönnum, útigangsmönnum, sjómönnum, lögreglumönnum, miðlum og skáldum. Aðalpersóna bókarinnar er þó gamla timburhúsið sem enn gengur undir sínu dulúðuga nafni: Farsótt.
Kristín Svava Tómasdóttir er sagnfræðingur og ljóðskáld. Hún er höfundur bókarinnar Stund klámsins, sem hlaut Viðurkenningu Hagþenkis árið 2018, og einn af höfundum Konur sem kjósa, sem hlaut Fjöruverðlaunin í flokki fræðirita árið 2020. Kristín Svava hefur sent frá sér fjórar ljóðabækur, síðast Hetjusögur sem hlaut Fjöruverðlaunin í flokki fagurbókmennta árið 2020.
Inngangur: Ung kona er lögð inn á Farsóttahús
I. HLUTI 1884–1903 Sjúkrahús Reykjavíkur
Einkennilegasti spítali í heimi
Húsráð og hómópatar
Dauðinn slekkur ljósin, lífið tendrar þau
Mjög lítilfjörlegt hús úr timbri
Spítalaráðskonan og samstarfsfólk hennar
Kennslustundir í Þingholtsstræti
Ástir og örlög
Blóð og slæm lykt
Í sjúkraskránum
Einstaklega greindur drengur
Sullaveikiskólinn
Sjúkrahús Reykjavíkur lagt niður
II. HLUTI 1903–1920 Gamli spítalinn
Sóttvarnir við upphaf nýrrar aldar
Aldrei að víkja
Sóttkveikjur og eldkveikjur
Heimilisfólk í gamla spítalanum
Hvíti dauðinn
Þarna voru lík krufin, þarna voru soðin mannabein
Örbirgð nær út fyrir dauðann
Spænska veikin
III. HLUTI 1920–1968 Farsóttahús Reykjavíkur
Farsóttahús, berklaspítali og geðsjúkrahús
Stórdrottningin og smákóngurinn María Maack
Olnbogabörn bæjarfélagsins
Smitberar
Á ferð um Farsóttahúsið
Kvennaríkið
Einangruð börn
Hver mannsævi er alger í sjálfri sér
Guð elskar þá sem hjálpa sér sjálfir
Sjúkrahúsmál um miðja öldina
Sjokklækningar í Þingholtsstræti
IV. HLUTI 1969–1984 Gistiskýli Reykjavíkur
Gamalt hús verður gistiskýli
Áfengisvandamálið og gistihús hins opinbera
Heimsókn í gistiskýlið
Lífsins lausamenn
Með amfetamínpillur eins og piparmyntur í dósum
Þín lágu hús, þitt gull og brennivín
Sjúkdómur eða sjálfskaparvíti
Líkþrá nútímans
Ástand viðunandi, listgildi hlutlaust
Lokaorð: Farsótt í hundrað ár
Þakkir
Summary: The Reykjavík Quarantine Hospital
Myndir
Heimildir
Nöfn og efnisorð
