Saga og minni: Safn ritgerða gefið út í tilefni sjötugsafmælis höfundar 9. ágúst 2001

Í Saga og minni er að finna fimmtán ritgerðir frá fjörutíu ára tímabili, þær elstu frá árinu 1962, en yngstu frá síðustu árum. Þær hafa allar verið endurskoðaðar og sumar auknar allverulega.

Ritgerðirnar eru um sagnfræðileg efni og frásagnir um ýmsa menn, m.a. ritgerðir um Kópavogsfundinn og erfðahyllinguna 1662, Skaftárelda og móðuharðindin 1783 og Þingvallafundinn 1873. Í síðasta hluta bókarinnar ritar höfundurinn um líf og starf fólks, sem hann hafði persónuleg kynni af, m.a. Jón Helgason prófessor í Kaupmannahöfn, Lúðvík Kristjánsson og Helgu Proppé. Að lokum er ritgerð, sem ber heitið Að lifa og leika, ógleymanlegur vinur – Jónas Thorstensen frá Þingvöllum.

Útgefandi er Sögufélag en Einar Laxness er fyrrverandi forseti þess.