Mýra- og Borgarfjarðarsýslur : Sýslu- og sóknalýsingar

/ Sögufélag og Örnefnastofnun Íslands

Sýslu- og sóknalýsingar Mýra- og Borgafjarðarsýslna voru samdar á vegum Hins íslenska bókmenntafélags í Kaupmannahöfn, flestar á árunum 1839-1840, en sú síðasta 1873. Jónas Hallgrímsson var hvatamaður að söfnun þessara lýsinga og ætlaði hann sér að nota þær sem uppistöðu í Íslandslýsingu sína sem honum entist þó ekki aldur til að ljúka.

Meðan prestar og sýslumenn lögðu sitt af mörkum við að lýsa landinu hver á sinn hátt orti Jónas mörg sín þekktustu ljóð, sína Íslandslýsingu, þar sem hann þræðir „saman landslag og sögu frá ómunatíð og til samtíma Fjölnismanna“ eins og komist er að orði í inngangi þessarar útgáfu.

Sýslu- og sóknalýsingar þær sem birtast hér á prenti í fyrsta sinn eru jafnframt síðustu sóknalýsingarnar sem óbirtar voru. Hver sá sem vill kynna sér líf og land á sögufrægum slóðum á Vesturlandi um miðja 19. öld ætti ekki að láta undir höfuð leggjast að lesa þessar hnýsilegu lýsingar sem sagnfræðingarnir Guðrún Ása Grímsdóttir og Björk Ingimundardóttir hafa búið til prentunar.

Nánari upplýsingar :

ISBN

9979963670

Útgáfuár

Blaðsíðufjöldi

Útgefandi

Ritstjóri

Tegund ,

,

Fjöldi :
Mýra- og Borgarfjarðarsýslur : Sýslu- og sóknalýsingar
BÓK
kr. 3900
Tilboð
kr. 3514
Allar bækur Sögufélags fást með 15% afslætti á skrifstofu Sögufélags og í Bókabúð Forlagsins