Hinir útvöldu: Sagan af því þegar Ísland varð sjálfstætt ríki árið 1918

Gunnar Þór Bjarnason / Sögufélag í samstarfi við Afmælisnefnd aldarafmælis sjálfstæðis og fullveldis Íslands

„Þetta var einstök upplifun. Fólki vöknaði um augu þegar það horfði á ríkisfána Íslands dreginn að hún á Stjórnarráðsbyggingunni í Reykjavík í fyrsta sinn klukkan tólf á hádegi sunnudaginn 1. desember 1918. Draumur þjóðarinnar um sjálfstæði hafði ræst.“

Gunnar Þór Bjarnason sagnfræðingur rekur aðdragandann að þessu í lifandi myndskreyttri frásögn í bókinni Hinir útvöldu: Sagan af því þegar Ísland varð sjálfstætt ríki árið 1918. Sagt er frá eftirminnilegum einstaklingum, hörðum átökum og þjóðlífi í skugga heimsstyrjaldar og áfalla hið viðburðaríka ár 1918. Var þessi fámenna þjóð í stakk búin til að reka sjálfstætt ríki?

Gunnar Þór hefur á undanförnum árum vakið athygli fyrir vönduð og einkar læsileg sögurit. Hann hefur fengið ýmsar viðurkenningar fyrir verk sín og hlaut Íslensku bókmenntaverðlaunin 2015 fyrir bókina Þegar siðmenningin fór fjandans til: Íslendingar og stríðið mikla 1914-1918.

, , , ,

Fjöldi :
Hinir útvöldu: Sagan af því þegar Ísland varð sjálfstætt ríki árið 1918
BÓK
kr. 8400
Tilboð
kr. 7190
Allar bækur Sögufélags fást með 15% afslætti á skrifstofu Sögufélags og í Bókabúð Forlagsins