Fréttir

Seminar – Ny dansk-islandsk udgivelse fejres med et seminar om Den islandske Landkommission 1770-1771

september 2018

Ny dansk-islandsk udgivelse af værdifulde dokumenter fra Den islandske Landkommission 1770-1771 bliver fejret med et seminar. Ved fejringen deltager Kulturminister Mette Bock, rigsarkivar Asbjørn Hellum, Islands rigsarkivar Eiríkur G. Guðmundsson, samt forskere fra Island og Danmark. Du kan også deltage. Husk tilmelding.

Kort om den nye udgivelse

Værdifulde dokumenter fra Den islandske Landkommission 1770-1771 bliver udgivet på vegne af Islands Nationalarkiv i samarbejde med Rigsarkivet i Danmark og Islands Historiske Forening. Det tredje bind i serien er lige udkommet. Udgivelsen omfatter seks værker i alt, de tre sidste bind udkommer i 2018-2020.

Stor historisk værdi

Dokumenterne stammer fra Den islandske Landkommission, som rejste rundt i Island fra foråret 1770 til efteråret 1771 og samlede breve og indberetninger fra landets beboere om hvad som helst, de mente kunne være bedre. Embedsmænd besvarede spørgsmål om mange sider af samfundslivet i landet. Og menigmand blev tilskyndet til at fremkomme med sine synspunkter. Flere hundrede mennesker reagerede på opfordringen. Denne forbindelse med den almene befolkning gør arkivet meget specielt og værdifuldt. Arkivet kaster lys over det islandske samfund omkring 1770, og dokumenterne belyser dansk forvaltning.

Rigsarkivar Asbjørn Hellum – ”en vigtig del af vores fælles kulturarv”:

I forrige århundreder var disse to landes historie sammenvævet, og disse udgivelser kaster lys over, hvordan forholdet og forbindelsen mellem landene var.

”Dokumenterne kaster lys over det islandske samfund i det 18. århundrede og giver samtidig et indblik i den danske forvaltning. Det en vigtig del af en fælles kulturarv, og vi er glade for at kunne bidrage til at de seks værker bliver udgivet”.

– Rigsarkivar Asbjørn Hellum

Tid og sted

  • Sted: Rigsarkivet, København – Harsdorffsalen,
    Tøjhusgade 1,
    1218 København K.
  • Tidspunkt 13.00-17.00
  • Dato: 13-09-2018
  • Pris: Gratis

Program

Hent program for seminaret

Tilmelding

Der er 40 pladser, som bliver fordelt efter først-til-mølle-princippet. Du tilmelder dig ved at sende en mail Solvej Pedersen: sjp@sa.dk

  • Tilmeldingsfrist: 12-09-2018, senest kl. 15.00

Fréttir

Frábærar fræðibækur Sögufélags á Bókamarkaði Forlagsins

september 2018
Frábærar fræðibækur Sögufélags fást nú á gjafverði á Bókamarkaði Forlagsins sem hófst 5. september og stendur yfir til 2. október. Bókamarkaðurinn er bæði í versluninni á Fiskislóð 39 sem er opin alla daga frá 10-19 og í vefversluninni. Allar bækur á markaðinum eru á sama verði á vefnum og á staðnum.
 
Á bókamarkaðinum eru yfir 4000 titlar frá öllum helstu útgefendum landsins!

Fréttir

Á slóðum fullveldis: Kvöldganga með Gunnari Þór Bjarnasyni sagnfræðingi

ágúst 2018

Á slóðum fullveldis er yfirskrift kvöldgöngu sem Gunnar Þór Bjarnason sagnfræðingur mun leiða fimmtudagskvöldið 23. ágúst.

Gengið verður um miðbæ Reykjavíkur og rifjaðir upp atburðir hins viðburðarríka árs 1918. Ef aðeins eru skoðaðir íslenskir atburðir má helst nefna að hér var þvílíkur fimbulkuldi að veturinn árið 1918 var kallaður frostaveturinn mikli. Sama ár gaus Katla og fylgdi gosinu mikið jökulhlaup og urðu bændur fyrir miklum skemmdum. Aðeins viku síðar barst spænska veikin til landsins og kostaði hátt í 500 íslensk mannslíf. Þann 1. desember þetta ár átti hins vegar sá merki og jákvæði atburður sér stað að Ísland varð frjálst og fullvalda ríki í konungssambandi við Danmörku. Lítið var þó um hátíðarhöld vegna eftirkasta spænsku veikinnar.

Lagt verður af stað frá Hörpu kl. 20:00 (við listaverk Ólafar Pálsdóttur Tónlistarmaðurinn). Gangan tekur um það bil eina og hálfa klukkustund og hentar öllum. Leiðsögnin fer fram á íslensku.

Þátttaka er ókeypis.

Í nóvember er svo væntanleg bók eftir Gunnar Þór þar sem hann fjallar um íslenskt samfélag í aðdraganda þess að landið öðlaðist fullveldi. Sögufélag gefur bókina út í samstarfi við Alþingi.

Viðtal við Gunnar Þór um bókina.


Fréttir

SAGA – kallað eftir efni

ágúst 2018

Ertu með grein í smíðum? Liggja niðurstöður rannsókna þinna óbirtar ofan í skúffu? Dreymir þig um að kynna verkefni þitt fyrir stórum hópi lesenda, greina frá um nýjungum í kenningum eða aðferðafræði sagnfræðinnar eða ræða um nýja þekkingu á sögu lands og þjóðar? Þá er um að gera að hafa samband við ritstjóra SÖGU. Við birtum ritrýndar greinar, ritdóma, viðhorfsgreinar, sjónrýni og margt fleira um allt sem viðkemur sögu og sagnfræði.

 

Skilafrestur fyrir efni í vorhefti SÖGU árið 2019 er 1. nóvember næstkomandi.

Tímaritið SAGA hefur fyrir löngu áunnið sér sess sem fremsta fagtímarit íslenskra sagnfræðinga. Það kemur út tvisvar á ári og í því birtast ritrýndar fræðigreinar á hinum ýmsu sviðum sagnfræði og sögulegra fræða. SAGA leggur ennfremur metnað sinn í að fjalla um nýlega útkomin rit sem tengjast sögu Íslands eða íslenskum fræðaheimi.

Ritstjórar SÖGU eru dr. Vilhelm Vilhelmsson (vilhelmv@hi.is) og dr. Erla Hulda Halldórsdóttir (ehh@hi.is).


Fréttir

Aðalfundur Sögufélags 2018

júní 2018

Stjórn Sögufélags: Hjalti Hugason, Brynhildur Ingvarsdóttir, Markús Þ. Þórhallsson, Hrefna Róbertsdóttir, Gunnar Þór Bjarnason, Örn Hrafnkelsson og Íris Ellenberger

Aðalfundur Sögufélags 2018 var haldinn í fundarsal Þjóðskjalasafns Íslands 31. maí síðastliðinn. Bragi Þorgrímur Ólafsson fagstjóri handritadeildar Landsbókasafns stjórnaði fundinum af röggsemi. Örn Hrafnkelsson ritaði fundinn.

Hrefna Róbertsdóttir forseti Sögufélags rakti starfsemi félagsins á liðnu ári. Hún tiltók m.a. viðburði og útgáfur á vegum félagsins. Þær bækur sem komu út árið 2017 vöktu athygli í samfélaginu, hlutu tilnefningar og verðlaun. Það er gleðiefni fyrir félagið. Hrefna kynnti útgáfustefnu næstu ára, sérstaklega þau verk sem væntanleg eru á árinu 2018. Hún áréttaði mikilvægi tímaritsins Sögu og impraði á þeim breytingum sem gætu orðið í stafrænum heimi. Að auki fagnaði forseti þeirri miklu vinnu í kortlagningu starfsins, fjármála og framtíðarsýnar sem hefur þegar skilað sér.

Brynhildur Ingvarsdóttir gjaldkeri Sögufélags fór snöfurmannlega í gegnum fjármálastöðu félagsins; tölurnar sýndu greinilega að hin mikla vinna við endurskipulagninu hefur skilað sér. Staðan er skýr og góð en áhersla verður lögð á að halda henni þannig, t.a.m. með því að endurnýja samning um rekstrarstyrk hins opinbera til Sögufélags.

Sitjandi stjórn var endurkjörin án mótframboða og er svo skipuð:

Hrefna Róbertsdóttir, sviðsstjóri varðveislu- og miðlunarsviðs hjá Þjóðskjalasafni Íslands forseti.

Örn Hrafnkelsson, sviðsstjóri varðveislu- og endurgerðar hjá Landsbókasafni-Háskólabókasafni, ritari.

Brynhildur Ingvarsdóttir, sagnfræðingur, gjaldkeri.

Markús Þ. Þórhallsson, sagnfræðingur og dagskrárgerðarmaður, varamaður. Vef- og kynningarstjóri.

Ísir Ellenberger, sagnfræðingur, meðstjórnandi.

Gunnar Þór Bjarnason sagnfræðingur, meðstjórnandi.

Hjalti Hugason, prófessor í kirkjusögu við Háskóla Íslands, varamaður.

Framundan er spennandi starfsár, tímaritið Saga verður áfram kjölfestan í starfseminni, fjöldi áhugaverðra bóka er væntanlegur á árinu og fleiri hugmyndir til eflingar félagsins eru í farvatninu.

 


Fréttir

Vel heppnað Sögukvöld

júní 2018

Í tilefni útgáfu vorheftis Sögu – Tímarits Sögufélags var efnt til Sögukvölds fimmtudagskvöldið 31. maí. Óhætt er að fullyrða að viðburðurinn hafi verið vel sóttur, en vel á sjöunda tug gesta hlýddi á fjóra greinahöfunda kynna verk sín.

Ritstjórarnir Erla Hulda Halldórsdóttir og Vilhelm Vilhelmsson kynntu efni haustheftis 2017 og vorheftisins nýja. Saga sem verður sjötug á næsta ári sýnir engin ellimerki enda einn helsti vettvangur íslenskra sagnfræðinga af öllum kynslóðum. Í heftunum tveimur er að finna fjölda ritrýndra greina, viðhorfsgreina og annars forvitnilegs efnis fyrir þá sem hafa áhuga á og unna sögunni.

Páll Björnsson, prófessor við Háskólann á Akureyri, ritaði grein í haustheftið 2017. Þar fjallaði hann um ættarnöfn á Íslandi og deilur um þau á árunum 1850-1925. Páll flutti áhugavert og líflegt erindi um efnið sem kveikti fjölmargar spurningar hjá viðstöddum.

Næst tók Hafdís Erla Hafsteinsdóttir, sjálfstætt starfandi sagnfræðingur, til máls og fjallaði um ímynd „ástandsstúlkunnar“ á stríðsárunum. Hafdís Erla náði eyrum gesta svo um munaði enda merkilegur og magnaður tími í sögu þjóðarinnar til umfjöllunar. Grein hennar birtist einnig í hausthefti Sögu.

Eftir að gestir höfðu gætt sér á veitingum, sötrað kaffi, keypt bækur og spjallað um heima, geima og efni erindanna tók Erla Dóris Halldórsdóttir til máls. Hún er hjúkrunarfræðingur að mennt og með doktorsgráðu í sagnfræði. Óhætt er að segja að salinn hafi sett hljóðan meðan hún talaði af mikilli þekkingu um svokallaða barnsfarasótt og smitleiðir hennar. Sóttin sú varð fjölmörgum sængurkonum að bana uns vísindamenn áttuðu sig á hvað ylli henni. Síðastur í pontu var Þorsteinn Vilhjálmsson, fornfræðingur og þýðandi. Hann bauð gestum með sér í raðir skólapilta við Lærða skólann á 19. öld og ræddi um dagbækur Ólafs Davíðssonar þjóðsagnasafnara og hinsegin rými í skólanum og utan hans. Foucault var auðvitað einnig nálægur .

Efni þeirra Erlu Dórisar og Þorsteins er enn betur gert skil í nýjasta hefti Sögu sem Vilhelm Vilhelmsson hvatti gesti til að kaupa og gerast áskrifendur. Jafnframt örvaði ritstjórinn sagnfræðinga og aðra til að senda inn efni af allskyns tagi sem birst gæti í tímaritinu.

Það voru glaðir og uppfræddir gestir sem gengu út í fagurt lokakvöld maímánaðar ársins 2018 fullir tilhlökkunar eftir næsta Sögukvöldi.


Eldri Fréttir